"ZPM sawrkar ah hian bazar ah te hian pawisa lengvel hi a awm lo, mahse dawt leng vel a tam thung. Kan ti ang an tih chu an ti lo fai vek a ni. Helai bialah hian Chief Minister Special Package an rawn zuar a engah nge Chief Minister bialah an zawrh loh? Engah nge Aizawlah pawh an zawrh loh? Helai bialah chiah an rawn zuar hi an hmusit hle che u a ni.

"Congress party hian kan ti ang kan tih chu kan ti thin. Tu party in nge ti ve, kum nga chhung khan nuaih nga pek min tiam tute khan min pe em? Nuaih nga ba chunga rawn campaign te kan awm em? Khawnge kawng chhawng te, leiverh te chu? Dawt hmanga ram hruai a hun tawh lo.

"Social Media ah hian Congress hi in reh hle mai min ti thin. Social media ah hian MNF leh ZPM hi an pute thiltih sawimam tumin an inhnial nasa a, keini chuan sawi ve tur kan nei lova, kan lo awm ve mai mai a ni." a ti.

Dampa bial mipuite hnena ka ngenna chu, min khawngaih tur leh vawikhat tal min ṭawngṭai sak turin in khawngaihna ka dil a ni.

Hun kal tawhah congress party lo ni tawh, engemaw avanga chhuahsan tawhte zawng² pawh min khawngaiha lo haw leh vek turin ka ngen che u a.

Dampa bial mipui MLA niturin ka lokal a, in duhsaknaa thlantlin ka nih chuan party thliar lovin tu pawh lokal ula theih tawp ka chhuahsak zel ang che u.

He Campaign Kick-off programe hi Rev Lalremliana Colney, chuan MPF aiawhin a kaihruai a, Dr Lalmalsawma Nghaka, Treasurwr, MPCC chuan thu a sawi a, Lalnunmawia Chuaungo, Sr. Vice President, MPCC chuan lawmthu sawina a nei bawk a ni.